Koordinatori i Bindjes Demokratike, Astrit Patozi, ka marrë përsipër rezultatin zhgënjyes nga zgjedhjet e 25 Prillit dhe ka dhënë dorëheqjen nga drejtimi i partisë. Në një postim në mediat sociale, Patozi sqaron se ka vendosur të marrë të gjitha përgjegjësitë për mosarritjen e objektivave elektorale. Ai shton se ka bërë një betejë dinjitoze dhe qytetare në mesin e një polarizimi ekstrem, që erdhi nga egërsia dhe ashpërsia e forcave kryesore politike. Sipas tij, largimi nga drejtimi i partisë është një akt moral përgjegjësie dhe jo një dorëzim.
Në reagimi e tij, Patozi falenderon të gjithë bashkëpunëtorët që e kanë ndjekur në këtë rrugëtim dhe shton se i inkurajon që të vijojnë edhe më fort rrugëtimin politik pa të në Bindjen Demokratike.
