Drejtuesi i Lëvizjes Vetëvendosje në Shqipëri, Boiken Abazi nuk mundi të sigurojë mandatit e deputetit në zgjedhjet e 25 prillit, për t’u futur në Kuvendin e ardhshëm.
Abazi mori vetëm 2993, sipas të dhënave nga KQZ. Ai ka akuzuar vazhdimisht për parregullsi në procesin e votimit, por edhe numërimit duke pretenduar se i janë rrëmbyer votat. Abazi ka bërë thirrje që të hetohet krimi zgjedhor.
Së fundmi në një postim në rrjetet sociale, ai ka publikuar tabelën me shpërndarjen e votave që ka marrë në qarkun e Tiranës. Abazi shkruan se bëhet fjalë për 3000 vota, të cilat nuk ia prekën dot.
“Shpërndarja gjeografike e 3000 votave (që nuk na i prekën dot) në Qarkun Tiranë dhe krahasimi me PSD, marrë parasysh edhe votimin elektronik,” shkruan ai.
