Për më shumë se 40 minuta kryetari i bashkisë së Tiranës Erion Veliaj lëshoi një lumë akuzash për portalin lapsi.al në emisionin Real Story në Neës24 pas publikimit të skandalit të vjedhjes së të dhënave të mbi 910 mijë qytetarëve të cilat janë vënë në funksion të fushatës së PS.
Veliaj në fillim e pranoi se PS ka një databazë të saj për votuesit dhe se ajo që ka publikuar lapsi.al është një tabele në formatin exel i cili sipas tij është lehtësisht i manipulueshëm.
Por këtu bëri një gafë sepse zbuloi preferencën e gazetarit Fahri Balliu të cilën lapsi.al nuk e ka publikuar.
“U sajua një tabelë exel dhe thonë që këta dinë gjithçka për ne. Dhe gjetja më e madhe ishte që Fahri Balliu votonte LSI-në dhe jo PD-në. Sikur çfarë zbuluan. Një gjë që e dinte i madh dhe i vogël dhe qartazi gallatë televizionesh dhe portalesh” – tha Veliaj duke u përpjekur të relativizojë skandalin.
Ne fakt, askush, asnjë portal nuk ka raportuar për preferencën politike apo të dhënat e Fahri Balliut, ndaj lind pyetja: “Ku e di Veliaj se çfarë është raportuar në database e PS për këtë person?”. ©LAPSI.al
