Kryeministri Rama kërcënoi me burg grevistët e Rinasit, pas dështimit të negociatave mes tyre dhe ministres Belinda Balluku. Në një status në Twitter, Rama thotë se kontrollorët do të përballen me ligjin që ndalon ndërprerjen e aktivitetit të kullës.
Statusi i Ramës:
Sabotimi i rëndë i aktivitetit të Aeroportit "Nënë Tereza" nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës "Leshko" dhe fsheh dorën, duan mbylljen e aeroportit për të mos ardhur vaksinat!
Organizatorët do të kallzohen penalisht dhe do të përballen me ligjin,që ndalon rreptësisht ndërprerjen e aktivitetit të kullës nga ana e kontrollorëve!Të tjerët duhet të vendosin menjëherë:O me shtetin në punë o me antishtetin në një proces penal për cënim të sigurisë kombëtare!
