Karikatura e kësaj radhe nga revista satirike "Charlie Hebdo" ka në fokus skandalin e familjes mbretërore të Anglisë që shpërtheu përpara disa ditësh, pas intervistës së Harry dhe Megan Markle. Në kopertinën e revistës është bërë një paralelizëm me ngjarjen që tronditi opinionin amerikan mbi vrasjen e afro-amerikanit George Floyd. Karikaturë tregon Mbretëreshën e Anglisë, Elizabeth II të gjunjëzuar mbi qafën e Meghan Markle. Si diçiturë përbri fotos janë vendosur shprehjet: “Pse Meghan u largua nga Buckingham”. Nga poshtë ish-dukesha duket sikur thotë “Sepse nuk mund të merrja më frymë”.
Numri i radhës i revistës, ndonëse nuk është hera e parë që merr kritika për idetë e guximshme dhe provokuese, ka ngjallur sërish indinjata vetëm disa ditë pasi ish-Duka dhe ish-Dukesha e Sussex akuzuan familjen mbretërore për racizëm.
