Kryetari i PD, Lulzim Basha, ka zhvilluar këtë të premte takime me qytetarët në njësinë nr.9 të Tiranës , ku u ka prezantuar programin e PD në zgjedhjet e 25 prillit.Basha në këto takime tha ndër të tjera:
“Mrekulli nuk ju premtoj,por normalitet. Do t’ju kthej shtetin, do ta kthejë administratën në funksionin tuaj, që në vend që t’ju terrorizojnë e t’ju shkatërrojë, t’ju vijë në ndihmë sadopak që të punoni, të jeni të lirë të punoni”.
Gjatë bisedave me qytetarët, kreu i opozitës shpalosi detaje të programit dhe foli për rritjen e pensioneve dhe fasha mbrojtëse për pagesën e energjisë. Ai tha se do të vendosin fashën mbrojtëse për energjinë, ku çmimi sipas tij do të ulet për 300 kë/h orëshin e parë.
