Një sherr mes disa të rinjve ka ndodhur ditën e djeshme në kryeqytet. Sipas të dhënave zyrtare, janë shpallur në kërkim dy të rinj, pasi kanë goditur me sende të forta një 21-vjeçar.
“Më datë 28.02.2021 u referuan materialet në Prokurorinë pranë Gjykatës së Shkallës së Parë Tiranë dhe po punohet për kapjen e shtetasve R. H., 20 vjeç dhe R. L., 19 vjeç, pasi për motive të dobëta, kanë goditur me sende të forta shtetasin A. Zh., 21 vjeç, i cili pasi mori ndihmën mjekësore në spital, u largua për në banesë”, njofton policia.
Materialet për këtë çështje iu referuan Prokurorisë së Rrethit Gjyqësor Tiranë, për veprime të mëtejshme.
