Aktorja Ashley Judd ka rrëfyer së fundmi për fansat aksidentin e ndodhur në Afrikën e Jugut.
Përmes një video live nga dhoma e spitalit me gazetarin e "New York Times" Nicholas Kristof, aktorja ka treguar se ishte penguar në një dru të rrëzuar dhe si rezultat kishte pësuar një frakturë të rëndë në këmbë.Më pas Ashley u shpreh se kishte pritur 55 orë që ta transportonin deri në spital me ndihmën e një motoçiklete për t'u operuar. Sipas mediave, aktorja udhëton shpesh në Afrikë për të ndihmuar njerëzit e varfër dhe për të dhënë ndihmën e saj në mbrojtjen e kafshëve.
