Media online Page Six publikoi një artikull rreth aktores Natalie Portman, duke spekuluar se ajo ishte shtatzënë. Ky lajm bazohej në disa foto të aktores të shkrepura nga paparaci, ku barku i saj dukej paksa i rrumbullakosur.
Pas lajmit, Portman ka bërë një postim në Instagram Stories për të sqaruar se në të vërtetë, ajo nuk është shtatzënë.
"Hej, unë nuk jam absolutisht shtatzënë..." shkroi ajo, duke vazhduar, "Me sa duket, është akoma normale në vitin 2021 që dikush të spekulojë dhe të komentojë mbi format e trupit të një gruaje kur të dojë?"
Aktorja 39-vjeçare aktualisht po jeton në Sidnei, ku ka filluar xhirimet e “Marvel, Thor: Love and Thunder”, ku gjithashtu do të interpretojë Chris Hemsworth, Chris Pratt dhe Matt Damon.
Portman ka dy fëmijë me burrin e saj Benjamin Millepied - një djalë, i lindur në vitin 2011 dhe një vajzë, e lindur në 2017-ën.
