Ndodh që edhe njerëz shumë të suksesshëm në rrjete sociale si Charli D'Amelio, të bëjnë gafa gati-gati qesharake. Ylli i Tik-Tok ka fshirë një status në Twitter ku falenderonte njerëzit për mirësinë që kishin treguar ndaj saj, duke përdorur hashtagun #HereForCharli, pasi mësoi se në fakt nuk i dedikohej asaj!
#HereForCharli ishte një nismë e krijuar nga fansat e këngëtares britanike, Charli XCX pas dedikimit që kjo e fundit bëri për mikeshën dhe bashkëpunëtoren e ndjerë Sophie. Sophie u nda nga jeta në moshën 34-vjeçare pas një aksidenti të papritur në Athinë.
D'Amelio tha se e kishte parë hashtagun dhe se ishte mirënjohëse për gjithë mbështetjen që iu ofrua, por në fakt duket se as nuk e ka klikuar siç duhet togfjalëshin #HereForCharli.
"Jeni kaq të mirë me mua! S'e keni idenë se sa shumë ngrohtësi i japin zemrës sime fjalët tuaja dhe sa me fat jam që ju kam krah meje."- shkruan 16-vjeçarja pa e ditur se njerëzit s'e kishin me të .
Sidoqoftë, kjo s'është hera e parë që Charli përfshihet në të tilla situata në rrjete sociale. Në dhjetor të 2020-ës, ajo foli për kërcënimet me vdekje që mori pas "publikimit" të një fotoje nudo.
