Ish-kryebashkiaku i Kamzës Xhelal Mziu është caktuar si drejtues politik i qarkut të Dibrës nga Partia Demokratike. Bie në sy që Mziu largohet pas shumë vitesh nga Kamza ku ka drejtuar bashkinë dhe demokratët e saj.
Po këtë të hënë u zyrtarizua dhe Edmond Spaho në krye të qarkut të Korçës, si dhe Mark Marku në krye të qarkut të Lezhës.
Procesi i Partisë Demokratike po shkon drejt finalizimit. Pritet të shihet se cili do të jetë drejtuesi politik i qarkut të Tiranës.
Deri tani Basha ka përzgjedhur Edi Palokën në Durrës, Gazment Bardhin në Elbasan, Bujar Leskajn në Vlorë, Enkelejd Alibeajn në Fier dhe Helidon Bushatin në Shkodër. ©LAPSI.al
