Presidenti i Republikës Ilir Meta ka përcaktuar datën 4 dhjetor për të hedhur shortin për zgjedhjen e anëtarëve të Këshillit të Emërimeve në Drejtësi (KED). Në njoftimin për shtyp të presidencës, po ashtu sqarohet se shorti do të hidhet në presidencë. Më poshtë, specifikohet se Gjykata Kushtetuese, Këshilli i Lartë Gjyqësor dhe Këshilli i Lartë i Prokurorisë kanë dërguar pranë institucionit të presidentit emrat e prokurorëve dhe gjyqtarëve.
Ndërkohë për përzgjedhjen e anëtarëve të Këshillit të Emërimeve në Drejtësi, do të përfshihen ata gjyqtarë dhe prokurorë që plotësojnë kushtet ligjore. Prezent në këtë ceremoni do të jetë edhe Avokati i Popullit i cili do të mbikëqyrë nga afër të gjithë procesin.
