Policia e Durrësit ka njoftuar se ka zbuluar të fshehura në 2 kamionë 294 030 euro që po futeshin kontrabandë në vend. Në një njoftim të uniformave blu thuhet se janë kaluar në vijën e dytë për kontroll të imtësishëm 2 mjete tip kamion, të cilët transportonin automjete Itali-Shqipëri
282 265 euro u gjetën në një nga kamionët e drejtuar nga Ferdinant Murikaj të cilat u sekuestruan. Paratë ishin të ndara dhe të fshehura në disa pjesë të kamionit. Po ashtu u procedua dhe shoferi i kamionit tjetër, A.L që kishte me vete 11 700 euro të padeklaruara teksa i kishte fshehur në çantë personale.
Pronari i firmës së kamionëve që kryente transportin e mjeteve nga Italia në Shqipëri është Erjon Jovani që është aktualisht në kërkim. ©LAPSI.al
