Kryeministri Edi Rama doli të mërkurën nga liqeni i Farkës për të plotësuar një tekë të presidentit turk Erdogan që të mbjellë njëkohësisht miliona pemë në disa vende të botës, gjë që do ti mundësonte autokratit turk një vend në rekordet Gines. Në Tiranë qe caktuar për të mbjellë 1 mijë pemë tne kuadër të projektit "Frymëmarrje për të ardhmen". Rama falendëroi publikisht presidentin turk Erdogan për nismën. “Ky është një organizim i ndërmarrë nga presidenti Erdogan, Në të njëjtën orë po mbjellen në të njëjtën kohë në botë 11 milionë pemë. Kjo ka hyrë në librin Giness. Faleminderit për këtë nisëm, dhe praninë e ambasadorit. Një mik i mirë për shqiptarët, siç është dhe presidenti Ergodan.”
Por ajo që i shpëtoi vëmendjes së publikut ishte nje fjlali e ambasadorit turk në Tiranë, Murat Ahmet Yörük, pasi kujtoi se kamerat e u mbyllën kur kryeministri mbaroi fjalën. Ai u kthye nga njerëzit e tij dhe u dëgjua të thotë në turqisht një frazë që Lapsi.al e përktheu: "Miq, do i jepnim para të nderuarit kryeministër, apo jo?"
[video width="640" height="352" mp4="https://cdnimpuls.com/lapsi.al/wp-content/uploads/2020/11/WhatsApp-Video-2020-11-13-at-19.10.22-1.mp4"][/video]
Ndonëse fraza është thënë në publik, ndonëse ajo është publikuar edhe në ERTV, mendja sërish mund të të shkojë për keq.
Lexo me tej:
Analiza/ Ku po e çon vendin lidhja okulte Rama- Erdogan?
Por, ndryshe nga sa mund të kujtojnë të gjithë ata që kanë një mendim të caktuar për Edi Ramën, pavarësisht se fraza e kryediplomatit turk është shumë e pakujdesshme, këtu me sa duket nuk kemi të bëjmë me një çështje korruptive. Fjala është për një lloj monedhe për kujtim të emetuar nga Turqia në kuadër të këtij projekti, që me sa duket i dhurohet të gjithë politikanëve në të gjitha shtetet që i janë bashkuar nismës së sulltanit të Ankarasë.
©Lapsi.al
