Gjykata e Apelit Tiranë ka ndryshuar masën e sigurisë për Klodian Gradecin, ish-kreun e AKBN-së i arrestuar për skemën e mashtrimit me puset e naftës. Ai u arrestua fund të tetorit, 2 javë pas lëshimit të urdhër arrestit dhe u la në burg nga Shkalla e Parë, por Apeli e ka lënë në 'Arrest shtëpie' ditën e mërkurë. Gradeci u arrestua pak ditë më parë në aeroportin e Rinasit.
Ai u shpall në kërkim për abuzimin 1.4 milionë dollarë dhe akuzohet për shpërdorim detyre. Së bashku me disa zyrtarë të tjerë të AKBN ai u akuzua se ka lejuar një skemë mashtruese që i ka shkaktuar buxhetit të shtetit një dëm prej 1.4 milionë dollarë. Zyrtarët certifikuan disa punime për mirëmbajtjen e 6 puseve të naftës, kur këto punime nuk ishin kryer, ndërsa firma kishte dorëzuar fatura të falsifikuara. ©LAPSI.al
