Besart Kadia u emërua sot në postin e zv.ministrit të Financave dhe Ekonomisë. Ish-koordinatori i Partisë Demokratike që e kishim parë shpesh të artikulonte publikisht kritika dhe akuza të ashpra kundër qeverisë “Rama”, sot e tutje është pjesë e kabinetit të tij.
Kohë më parë gjatë intervistës në emisionin “Të paekspozuarit”, Rama është vënë përballë një analize të Besart Kadisë lidhur me korrupsionin dhe qeverisjen në Shqipëri. Me shpotinë që e karakterizon, Rama e klasifikoi Kadinë thjesht si një propagandist nga radhët e Partisë Demokratike, në një përpjekje për të zhvlerësuar ato që ai thoshte. Sot katër muaj para zgjedhjeve, duket se Rama dhe Kadia kanë ndryshuar mendje të dy.
Kryeministri e bëri pjesë të kabinetit të tij qeveritar ish-koordinatorin e PD-së që e quante thjesht “propagandist”. Edhe Besart Kadia që pak kohë më parë mendonte se qeveria Rama ishte në ditët e saj të fundit, zgjodhi pikërisht rreth 170 ditët e saj të fundit për t’i dhënë ‘një dorë’. Por kësaj radhe jo si opozitar, por duke u bërë pjesë e kësaj qeverie.
©LAPSI.al
[video width="184" height="400" mp4="https://cdnimpuls.com/lapsi.al/wp-content/uploads/2020/11/124588730_1524702007715011_6963556513253353316_n.mp4"][/video]
