Një ngjarje e rëndë ndodhi mbrëmjen e kësaj të hëne në Vjenë, kryeqytetin e Austrisë. 7 persona janë vrarë dhe disa të tjerë janë plagosur nga një sulm me armë në një sinagogë në qendër të qytetit.
Policia vendase njoftoi se kanë qenë të paktën 2 persona që kanë hyrë në sinagogë dhe kanë hapur zjarr.
Menjëherë në vendin e ngjarjes ka mbërritur policia, por atentatorët i janë përgjigjur me armë duke lënë të vrarë një polic. Nga burime zyrtare mësohet se forcat e rendit kanë arritur të ekzekutojnë njërin prej autorëve ndërsa një person tjetër është arrestuar. Në një video të publikuar në rrjetet sociale, shihet agresori teksa qëllon persona civilë në rrugë.
Ministri i Brendshëm austriak Karl Nehammer tha se incidentet duket se ishin një sulm terrorist me shumë autorë. Policia e Vjenës konfirmoi se kishte 6 vende sulmi me agresorë të shumtë.
Mediat thanë se të paktën një nga viktimat ishte një oficer policie. Ai shtoi se kishte të paktën katër persona të plagosur rëndë në serinë e sulmeve. Kishte shumë persona të armatosur, disa prej tyre ende të lirë, sipas mesazheve dërguar anëtarëve të komunitetit vendas hebre.
Një video tregoi të paktën katër autorë të dyshuar duke u grumbulluar në një vend nga policia dhe arrestuar, por raportet treguan se më shumë terroristë mund të ishin të lirë. Raportet e pakonfirmuara thanë se kishte një situatë pengu në Hilton Hotel në rrethin e shtatë të qytetit, ose në një restorant lokal japonez.
Përveç kësaj, raportet thanë se kishte pasur një shpërthim, me një nga agresorët që mund të hidhte në erë veten. Videot që qarkullojnë në mediat sociale treguan agresorë të shumtë duke qëlluar dhe policë duke bërtitur, ndërsa banorët e frikësuar shikonin nga dritaret e tyre.
