Policia e Vjenës konfirmoi se nga sulmi terrorist në një sinagogë në qendër të këtij qyteti kanë humbur jetën 7 persona dhe disa të plagosur.
Njëri nga viktimat është një polic që u qëllua nga autorët e sulmit. Sipas të njëjtave burime njëri nga autorët është eliminuar nga policia ndërsa një tjetër është arrestuar.
Një operacion masiv i policisë austriake ka nisur pas sulmit. Agjentët kanë rrethuar zonën dhe një helikopter po fluturon rreth zonës.
Ka pasur edhe disa persona që janë marrë peng në një restorant. Kjo u raportua nga disa media lokale duke përfshirë faqen e internetit të gazetës Kronen Zeitung. Por, sipas agjencisë Apa, këto lajme nuk janë konfirmuar për momentin nga policia.
Policia ka bërë apel që qytetarët të qëndrojnë në shtëpi. Lapsi.al ka publikuar edhe disa video që i kanë mbërritur nga dëshmitarë okularë. ©LAPSI.al
[video width="480" height="848" mp4="https://cdnimpuls.com/lapsi.al/wp-content/uploads/2020/11/WhatsApp-Video-2020-11-02-at-21.35.32.mp4"][/video]
[video width="1136" height="640" mp4="https://cdnimpuls.com/lapsi.al/wp-content/uploads/2020/11/WhatsApp-Video-2020-11-02-at-21.30.12.mp4"][/video]
