Komisioneri europian për Zgjerimin, Oliver Varhelyi ka këmbëngulur që Kuvendi të presë opinionin e Venecias. Një ditë pas reagimit të parë, në të cilin Varhelyi bëri thirrje që Kuvendi të presë opinionin e Komisionit të Venecias para rivotimit të ndryshimeve në Kodin Zgjedhor, komisioneri ka përsëritur thirrjen e tij në Twitter. Duke iu referuar reagimit të kryeministrit Rama, komisioneri Varhelyi shkruan se nëse ai e mirëpret opinionin e Venecias atëherë të presë daljen e tij para rivotimit.
“Jam i lumtur që kryeministri mirëpret opinionin e Komisionit të Venecias mbi ndryshimet Kushtetuese të Korrikut. Prandaj do të ishte e udhës të presim që të dorëzohet para rivotimit në Parlament. Shpresoj për zgjedhje të lira dhe të ndershme në prill 2021.”, shkruan komisioneri në Twitter.
