Ish-deputeti i PD-së, Enkelejd Alibeaj ka reaguar pas deklaratës së Stela Gungalljas, administratores së kompanisë që ka marrë koncensionin e inceneratorit të Elbasanit. Alibeaj publikon edhe një foto të saj, ku shfaqet krah Ramës dhe ish-kryebashkiakut Qazim Sejdini. Sipas Alibeajt, atë e ka detyruar të reagojë mafia për të cilën ajo punon.
"Reagimi i administratores së kompanisë së inceneratorëve, Stela Gugallja, me fjali të stilit “alla Rama”, është një shantazh më vete. Sot, mafia me të cilën ajo punon, e detyron të reagojë; nesër, për të shpëtuar veten, ia hedhin përpara drejtësisë, siç kanë bërë deri tani, për të shpëtuar veten e tyre. Natyrisht, peshku i madh, marifteçiu i vjetër, Edi Rama, nuk do t’ia hedhë dot duke përdorur emrat e këtyre që qendrojnë përpara mafias së plehrave", shkruan Alibeaj.
