Kryeministri Edi Rama lajmëron se Shqipëria dhe Greqia do t’i drejtohen për çështjen e detit drejtësisë ndërkombëtare.
Rama ka zbuluar se së bashku me Dendias kanë rënë dakord që t’i drejtohen instancave ndërkombëtare për të zgjidhur këtë çështje të debatuar.
Ai ka shtuar se nuk ka asnjë çështje të pazgjidhshme dhe se nuk do të ketë asnjë pushtim të Shqipërisë nga Greqia nëpërmjet detit.
“E kam shumë të qartë që të gjithë i kanë veshët e hapur lidhur me pushtimin e ardhshëm që Greqia do i bëjë Shqipërisë mes detit. Nuk do ketë pushtim. Më vjen keq që do zhgënjehen patriotët e detit.
Mund ta them me kënaqësi sot, se kemi rënë dakord me Greqinë që këtë çështje ta trajtojmë në instanca ndërkombëtare. Do i drejtohemi së bashku drejtësisë ndërkombëtare”, tha Rama.
