Përfaqësuesi i Partisë Socialiste në Këshillin Politik, Damian Gjiknuri i është përgjigjur Rudina Hajdarit se është më mirë t’i lihet më shumë kohës opozitës jashtëparlamentare.
Gjiknuri ka kërkuar që opozita jashtë parlamentit të sjellë propozimet në Këshillin Politik, ashtu siç kanë bërë tashmë PS dhe Hajdari në emër të Nismës ‘Thurje’.
Sipas Gjiknurit në rast se opozitëa jashtëparlamentare vijon të refuzojë ftesën për të kontribuar, atëherë opozita parlamentare mund të vijojë të propozojë amendamentet dhe t’i bëjë pjesë të diskutimeve që do të zhvillohen në Komisionin e Ligjeve.
Gjiknuri ka lënë një afat për mbledhjen e fundit deri më 30 shtator. Ai i ka kërkuar Hajdarit që të dorëzojë një kopje të draftit të saj me amendamentet përkatëse.
