Në 24 orët e fundit, në Kosovë koronavirusi u ka marrë jetën 4 personave. Ndërkohë, në Laboratorin e Mikrobiologjisë Molekulare në IKShPK dhe në laboratorët privatë, janë testuar gjithsej 678 mostra dhe gjurmimi i kontakteve të rasteve në terren ka nxjerrë 57 raste pozitive.
Sipas të dhënave të këtij Instituti të premten janë regjistruar 137 raste që kanë mposhtur virusin ndërsa rastet aktive janë 2003 persona. Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 14,939 të prekur nga Covid-19.
