Përpara se Instituti i Shëndetit Publik të japë shifrat ditore të të prekurve nga koronavirusi, ministrja e Shëndetësisë, Ogerta Manastirliu tha në Kuvend se numri i të infektuarve ka shkuar në 518. Kjo do të thotë se ka 24 raste brenda 24 orësh.
“Në dy spitalet Covid në vend, vetëm 14% e kapacitetit janë të zënë, kemi aktualisht 12 pacientë në terapi intensive dhe 4 në intubim. Nuk kemi asnjë mungesë në mjekim dhe logjistikë, ndërkohë që vazhdojmë punën me intensitet në terren”- tha ajo.
“Lajm inkurajues është se numri I të shëruarve prej 5 ditësh e kalon atë të të infektuarve aktivë, shenjë e mirë, por kjo nuk është koha për bilanc se jemi në kushte të vështira dhe lufta nuk ka mbaruar. Në 40 ditë kemi sheshuar kurbën, kemi gjurmuar rastet dhe kemi trajtuar çdo rast” - tha ajo. ©LAPSI.al
