Në kohën kur nuk është akoma e qartë nëse futbolli mund të rinisë, vjen alarmi i një eksperti si Adriano Galliani, administratori i deleguar i Monzës, që për "La Politica nel Pallone" është i qartë në fjalët e përzgjedhura: "Nëse nuk mbaron sezoni gjithë sistemi i futbollit rrezikon kolapsin".
Duke nisur nga baza: "Në Serie D nuk ka të ardhura, në Serie C gati - thekson ish-ad i Milan - Serie C humbet 120 milionë në vit që janë vendosur nga 60 sipërmarrës me një mesatare prej dy milionë për secilin. Trembem se kriza ekonomike që do të godasë në mënyrë të fortë vendin tonë do ti pengojë këta 60 zotërinjtë të vendosin paratë edhe në vitin e ardhshëm. Por Serie C e Serie D kryejnë një punë sociale, heqin djemtë nga rruga e duhet gjetur ndonjë sistem për të bërë që kjo detyrë të njihet e vlerësohet. Për Serie A e B duhet kuptuar cila do të jetë sjellja e publikut, sponsorve e televizioneve. Duhet vlerësuar cila zgjidhje do të bëjë më pak dëme për futbollin".
Është e kuptueshme se kohët e rifillimit do të varen nga zhvillimi i emergjencës koronavirus, por sezoni duhet mbaruar "në siguri, pa i bërë keq askujt apo shtuar të infektuarit", sepse sipas Galliani është cështje mbijetese: "Nëse ndërpresim sezonin do të ketë një dreduktim të madh të të ardhurave, prandaj sipas meje zgjidhja duhet gjetur me një këshilltar të madh duke i vlerësuar rastet një nga një, nëse do të jetë më e leverdisshme të mbyllet në 30 qershor, në 30 korrik apo në 30 gusht e kështu me radhë, sepse secila zgjidhje sjell të ardhura shumë të ndryshme mes tyre".
"Dyshoj të merret rruga që sjell më pak të ardhura, sidomos në Serie A - ka shtuar Galliani - Futbolli italian ka një pafundësi miliardash debite, e mungesa e të ardhurave mund ti cojë shumë skuadra në Serie A në pragun e kolapsit ".
