Alexis Sanchez e Arturo Vidal do të futen në karantinë nga Kili kur të kthehen për të luajtur ndeshje me Kombëtaren, të vlefshme për kualifikueset e Botërorit. Lajmin e ka bërë të ditur ministri i Shëndetësisë Jaime Manalich në prag të takimit që skuadra kilene do të luajë kundër Uruguay (në 26 mars) e kundër Kolumbisë, pesë ditë më pas.
"Nuk do të bëjmë asnjë dallim rreth profesionit të personave sepse askush nuk është imun ndaj këtij virusi", ka njoftuar ai, duke i lënë të lirë lojtarët të kalojnë periudhën e izolimit në banesat e tyre, ose në impiantet kolektive të Kombëtares. Mesfushori i Bologna Gary Medel është mes të tjerëve lojtarë të Kilit që mund të futet në karantinë, në kthimin në atdhe.
