Aventura e dytë e Vincenzo Montella në pankinën e Fiorentina ka marrë fund. Drejtori sportiv viola Daniele Pradé e drejtori i përgjithshëm Joe Barone janë prezantuar në qendrën sportive për ti komunikuar shkarkimin teknikut, pas 1-4 në shtëpi nga Roma. "Objektivi është ti japim një shkundje të menjëhershme sezonit në vazhdim" lexohet në komunikatën e shkarkimit. Në garë për pankinën janë Iachini e Di Biagio, edhe pse ëndërra e Commisso është Spalletti.
Decizivë rezultatet e këqija sezonale, pas një pjese të parë, me sinjale zgjimi pas një sezoni të kaluar të turbullt, por Montella-bis në Firenze nuk bëri kurrë diferencën e numrat janë të pamëshirshëm. Nga moment i rikthimit në Firenze në vend të Pioli, Montella ka drejtuar Fiorentinën në katër fitore në 24 ndeshje të luajtura, duke humbur 13. Shpëtimi në frymën e fundit pas 0-0 kundër Genoa i ka lejuar të mbante në kontroll skuadrën edhe në fazën e parë të këtij sezoni, deri në 1-4 kundër Romës "së tij". Shumë edhe për Commisso që ka vendosur shkakrkimin e tij të parë në Itali.
KOMUNIKATA E KLUBIT
"ACF Fiorentina komunikon se ka liruar Vincenzo Montella nga detyra e trajnerit të skuadrës së parë.
Vnedimi i Klubit mbërrin në përfundim të një analize të gjatë e të kujdesshme të përfaqësimeve e të rezultateve të skuadrës. Objektivi për ti dhënë një shkundje të menjëhershme e positive sezonit në vijim e nevoja për të zbritur në fushë me qetësi e grintë për ndeshjet e ardhshme, kanë shtyrë Pronarët e drejtuesit në vendimin për të larguar nga detyra teknikun aktual. Fiorentina falenderon Vincenzo Montella e stafin e tij për impenjimin e seriozitetin e dhënë këto muaj e i uron suksese profesionale në karrierë në të ardhmen”.
