Nga barazimet e kryesuesve përfiton vetëm Atalanta, që e ekzagjeron me fitoren 7-1 kundër Udinese, ndërsa Napoli nuk shkon më shumë se barazimi 1-1 me Spal, i ndalur nga një Berisha në formë të shkëlqyer. Roma sheh zonën Champions, ndërsa Milan nuk kalon dot në pjesën e sipërme të klasifikimit. Në Olimpiko përfundoi 2-1 për verdhekuqtë, tani vetëm një pikë nga Napoli i vendit të katërt. Për Piolin tani gjërat bëhen edhe më të vështira, në kohën kur ndeshja e dytë në pankinë shkoi edhe më keq se debutimi.
E të mendosh që kuqezinjtë e nisën mirë, Paquetà shënoi edhe gol, anulluar më pas për pozicion jashtë loje. Skuadrës së Pioli i mungon dicka në 16 metrat e fundit. E kundërta me kryeqytetasit, Roma goditi praktikisht në rastin e parë: në zhvillimet e një goditje këndi në minutën e 38', Dzeko, i harruar nga Kessie, shënoi fare pranë portës. Pak më vonë, Pastore mund ti kishte cuar shifrat në 2-0, por u ndal nga Donnarumma nda një dalje të dëshpëruar.
Në pjesën e dytë Roma kishte dy mundësi për të siguruar rezultatin, por ndëshkohet në të 55' kur krosimin e Calabria, Theo Hernandez e dërgon në rrjetë, edhe falë devijimit të Smalling. Barazimi në fakt zgjati vetëm tre minuta sepse Musacchio ndërhyn për të devijuar pasimin e Dzeko, por e dërgon topin tek Zaniolo, që është tepër i kthjellët para portës, duke vendosur ndeshjen.
ITALY - SERIE A
Bologna 2 - 1 Sampdoria
Atalanta 7 - 1 Udinese
Torino 1 - 1 Cagliari
SPAL 1 - 1 Napoli
Roma 2 - 1 Milan
