Një situatë tejet e tensionuar paraqitet në Orikum, ku nspektoriati Kombëtar i Mbrojtjes së Territorit ka vijuar me aksionin e prishjes së disa godinave përgjatë bregdetit.
Banorët e Radhimës, Orikumit dhe Dukatit kanë dalë në protestë kundër aksionit dhe nuk kanë munguar përplasjet me forcat policore.
Sikurse shihet edhe në videon bashkëngjitur më poshtë të siguruar nga Lapsi.al, banorët i kanë dalë para fadromës duke e qëlluar me gurë, deri në ndërhyrjen e Policisë. “Largohu se do të të djegim fadromën. Fadromat mos të rikthehem më. O robqi*a do t’ju vrasim? Ikni që këtu. Për ça vini këtu?! I kemi me lek të ballit jo me drogë e hashash,”-dëgjoheshin teksa thoshin banorët.
Sipas banorëve, disa prej shtëpive të tyre janë shembur dhe asnjë prej përfaqësuesve të Bashkisë nuk i ka takuar për t’i prezantuar planin apo edhe për të folur në lidhje me dëmshpërblimet.
Ky aksion i IKMT-së është ndërmarrë në funksion të hapjes së vijës bregdetare për të vënë në zbatim projektin "Lungomare 2". ©Lapsi.al
https://www.youtube.com/watch?v=a6UdBJM_DRk&feature=youtu.be
