Kryeministri Italian Giuseppe Conte tha se Italia do t'i propozojë Bashkimit Europian të hap në muajin nëntor negociatat për Shqipërinë dhe Maqedoninë e Veriut, pas bllokimit që bëri Franca e Macron. Gjatë një konferencë për shtyp në fund të samitit të liderëve të BE në Bruksel, Conte tha se një vendim i tillë është i gabuar sepse i hap rrugën ndikimit të vendeve të tjera që synojnë të zgjerojnë influencën e tyre.
"Nuk ishte në diskutim aderimi i këtyre vendeve, por hapja e negociata që shpesh zgjasin dhe vite. Ky është një shpullë e madhe për këto vende, gabim historik. Shumica e vendeve nuk kanë rënë dakord me këtë vendim të fundit dhe në nëntor do t'i propozojmë BE-së të hap në nëntor negociatat për Shqipërinë dhe Maqedoninë e Veriut. Mos hapja e negociatave, jo vetëm që krijon ankthe te këto dy vende por edhe hap i rrugën ndikimit të vendeve të tjera që synojnë të zgjerjojnë zonat e tyre të influences", tha Conte.
Por ky opsion bgjan i palundur. Në dokumentin e përfundimeve të mbledhjes se Këshillit Evropian patii vetëm një koment të thatë mbi hapjen e bisedimeve për Shqipërinë dhe Maqedoninë e Veriut .
Në dokumentin e përfundimeve, shkruhet “Këshilli Evropian do të rimarrë në shqyrtim çështjen e zgjerimit përpara Majit të 2020, kur do të zhvillohet në Zagreb samiti BE-Ballkan Perëndimor.
