Gjykata e Tiranës ka vendosur masën detyrim paraqitje për 10 të arrestuarit në lidhje me protestën te "Unaza e Re".
Të ndaluarit akuzoheshin për veprat penale “Organizimi, pjesëmarrja, grumbullimi dhe manifestime të paligjshme”, “Pengimi i qarkullimit të mjeteve të transportit”, “Prishje e rendit dhe qetësisë publike, “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”.
Sipas Policisë, te arrestuarit në rrugën “Teodor Keko” në zonën e "Astirit", ku një projekt për përmirësimin e Unazës së Re, prashikon prishjen e disa banesave, kanë organizuar e zhvilluar një tubim të paligjshëm dhe kanë penguar qarkullimin e mjeteve të transportit rrugor në të dyja drejtimet e rrugës, duke kundërshtuar dhe mos iu bindur thirrjeve për të liruar rrugën.
10 PERSONAT QE ISHIN ARRESTUAR
1-Ruzhdi Maqinaj
2-Safet Maksuti
3-Benard Nezha
4-Kujtim Ylli
5-Bajram Noka
6-Agron Thaçi
7-Artan Muçmata
8-Klevis Balliu
9-Dritan Noku
10-Andi Sharra
