Një 63-vjeçar është vënë në pranga, pasi akuzohet se ka dhunuar një zyrtar të Kadastrës në Tropojë.
Sipas informacionit paraprak të komunikuar nga Policia, i ndaluari është shtetasi me iniciale A.GJ., mbi të cilin rëndon akuza "goditje për shkak të detyrës".
Materialet proceduriale i kaluan Prokurorisë së Rrethit Gjyqësor Tropojë, për ndjekjen e veprimeve të mëtejshme.
“Arrestohet nga Policia, 1 shtetas për veprën penale 'Goditjet për shkak të detyrës'. Specialistët për Hetimin e Krimit në Komisariatin e Policisë Tropojë, arrestuan në flagrancë shtetasin A.Gj., 63 vjeç, banues në fshatin Llugaj. Arrestimi i tij u bë pasi për shkak të detyrës ka goditur me grushta, përgjegjësin e Zyrës së Kadastrës Tropojë, shtetasin B.L. ”. - shkruhet në njoftimin e Policisë.
