116 kilogramë marijuanë janë sekuestruar nga Policia greke në afërsi të Kapshticës.
Sipas raportimit të mediave greke, në kuadër të operacionit që u zhvillua në Grevena, janë ndaluar edhe dy automjete.
Pas kontrollit të ushtruar në njërin prej automjeteve, janë gjetur 36 pakot ku gjendej e ndarë sasia e konsiderueshme e drogës.
Në pranga kanë rënë tre shtetas grek, 34, 36 dhe 51-vjeç. Si rezultat i kontrolleve shtesë të ushtruara në makinat dhe banesat e të ndaluarëve, u gjetën edhe 285 gramë marijuanë, 1 peshore, 1 thikë, 6 celularë dhe 260 euro kesh.
Që prej fillimit të vitit, Policia greke ka sekuestruar sasi të mëdha marijuane që dyshohet se vinte nga Shqipëria.
