Pasi u skualifikua nga gara për t'u bërë pjesë e Strukturës së Posaçme të Antikorrupsionit (SPAK), drejtuesja e Prokurorisë së Krimeve të Rënda, Donika Prela, i ka dërguar Këshillit të Lartë të Prokurorisë (KLP) një letër ku kërkon që të emërohet në institucionet e tjera të hetimit në vend.
“Më emëroni prokurore në Apel. Nëse nuk ka hapësirë në Apel më emëroni në Prokurorinë e Përgjithshme.”, shkruhet në letër.
KLP-ja konfirmon se shkresa është depozituar në ditët e para të tetorit.
Aktualisht, Prela është drejtuese e komanduar e Prokurorisë për Krime të Rënda, organ që parashikoshet të "shkrihet" me krijimin e SPAK-ut. Në këto rrethana, Prelës do t'i duhet të rikthehet në Prokurorinë e Durrësit, aty edhe ku ka emërimin.
