Champions League është përsëri e hidhur për Ernesto Valverde. Tekniku i Barcellona, që në dy sezonet e fundit ka fituar dy herë la Liga, një Copa del Rey e një Superkupë të Spanjës, nuk i ka bindur kurrë tifozët blaugrana, që e fajësojnë për dy eleminimet befasuese në Europë kundër Roma e Liverpool e që pas barazimit zhgënjyes në debutim kundër Borussia Dortmund janë kthyer të kërkojnë largimin e tij në rrjetet sociale me hashtagun e famshëm #ValverdeOut.
Me sa duket, nuk vetëm tifozët që e mendojnë kështu: 'armiku' fshihet në dhomat e zhveshjes e quhet Frankie De Jong. Nga ajo që shkruhet në Spanjë duket se mesfushori hollandez, që mbërriti në verë nga Ajax për më shumë se 70 milionë ka ndonjë problem me teknikun, e në fakt në këtë fillim sezoni duket kushëri i largët i lojtarit të admiruar në Hollandë.
Për të shtuar zërat e një bashkëjetesë të vështirë mes hollandezit e Valverde vjen një pëlqim i cuditshëm në postimet me hashtag nga tifozët: si bën të ditur Mirror, De Jong ka pëlqyer një koment në profilin e tij në Instagram me hashtag #ValverdeOut. Like që u hoq shpejt, por në kohën e rrjeteve sociale mjafton një screenshot e provat mbeten.
