Kryetari i PD-së, Lulzim Basha ka reaguar ashpër mbrëmjen e sotme, teksa në TV po transmetohen emisionet politike të së enjtes.
“Sot kur Rama me një grusht oligarkësh dhe pronarë mediash u vjedh shqiptarëve 370 milionë euro, sulen hyzmeqarët mediatikë dhe politikë me gënjeshtra dhe sajesa që të heqin vëmendjen e njerëzve dhe të mbulojnë vjedhjen. Sepse ata ndajnë bashkë me Hajdutin pasuritë e shqiptarëve” – shkroi Basha në Twitter.
Basha nuk ka përmendur asnjë emër se cilët janë hyzmeqarët, oligarkët apo pronarët e mediave qe vjedhin bashkë me Ramën. Gjatë paradites parlamenti miratoi dy koncesione atë “Milot-Balldre” dhe “Dukat-Orikum” të cilat Basha i ka cilësuar si koruptive. ©LAPSI.al
