Nicola Peltz ka nxitur reagime në rrjet pasi publikoi një mesazh emocional për martesën e vëllait të saj, Will Peltz, me modelen Kenya Kinski-Jones, ku e quajti këtë të fundit "motrën e ëndrrave".
Modelja shkroi në Instagram: "Kjo martesë ishte një nga gjërat më të bukura që kam pasur ndonjëherë privilegjin të përjetoj. Willy, faleminderit që më në fund më dhe zyrtarisht motrën e ëndrrave, Ken."
Deklarata ka tërhequr vëmendje, pasi vetëm dy vite më parë Nicola e kishte quajtur Harper Beckham, motrën e vogël të bashkëshortit të saj Brooklyn Beckham, "motrën time të vogël perfekte të ëndrrave".
Në atë kohë ajo kishte thënë: "Nëse do të mund të krijoja motrën e vogël perfekte, ajo do të ishte Harper. Ndihem me fat që e kam në jetën time."
Komenti i fundit është interpretuar nga shumë si një thumb ndaj Harper, në mes të marrëdhënieve të tensionuara mes Brooklyn Beckham dhe familjes së tij. Raportohet se Brooklyn është distancuar nga prindërit e tij, David dhe Victoria Beckham, si edhe nga motrat e vëllezërit, ndërsa nuk ka reaguar as ndaj postimeve të tyre publike.
Sipas raportimeve, Harper kishte krijuar një lidhje të ngushtë me Nicolën përpara përçarjes familjare dhe madje kishte marrë pjesë në premierën e filmit të saj "Lola" në vitin 2024.
Sa i përket dasmës së Will Peltz dhe Kenya Kinski-Jones, ceremonia u zhvillua në mënyrë intime në shtëpinë e familjes Peltz në New York. Babai i Nicola-s, Nelson Peltz, shërbeu si dëshmitar i dhëndrit dhe shoqëroi edhe nusen drejt altarit, duke nderuar kështu kujtimin e babait të saj të ndjerë, producentit legjendar Quincy Jones.
