Ka nisur në Gjykatën e Fierit seanca për pesë të arrestuarit e konfliktit në mbrëmjen e së shtunës në Levan, që u përshkallëzua në përdorimin e armëve brenda ambienteve të spitalit rajonal të Fierit.
Në seancë pritet të jenë të pranishëm katër prej të arrestuarëve: Aldo Zhapaj, Emiglent Kararaj, Daniel Braçe dhe Gazment Braçe, të cilët do të njihen me masën e sigurisë. Ndërsa, për të arrestuarin e mbetur, Aleksandër Zhapaj, masa e sigurisë do të jepet në mungesë, pasi ndodhet për ndihmë mjekësore në Tiranë.
Seanca që po zhvillohet me dyer të mbyllura, kryesohet nga gjyqtari Piro Sota.
