Kuvendi pritet që të rinisë punimet për sesionin e ri parlamentar më datë 2 shtator, pas më shumë se një muaji pushimesh.
Përmes një njoftimi, bëhet e ditur se Kuvendi do të zhvillojë seancën e parë plenare të sesionit të V-të të hënën e 2 shtatorit, në orën 18:00.
“Bazuar në nenin 74, pika 1 të Kushtetutës, në nenin 42, pika 1 të Rregullores së Kuvendit dhe në Urdhrin nr. 26, datë 29.8.2019 të Kryetarit të Kuvendit z. Gramoz Ruçi, të hënën e parë të shtatorit, më datë 2.9.2019, në orën 18.00 do të fillojnë në seancë plenare punimet e Kuvendit në sesionin e V-të”, shkruhet në njoftim.
