Temperaturat e larta që kanë mbizotëruar ditëve të gushtit në vend, janë bërë burim i vatrave të zjarrit në zona të ndryshme përreth territorit.
Raportohet se sipërfaqe të mëdha me kullota janë përfshirë nga flakët në njësinë administrative të Lunxherisë, në fshatin Ashilengo të Gjirokastrës, ku forcat zjarrëfikëse kanë mundur të neutralizojnë zjarrin.
Po ashtu, në fshatin Dhoskat, ka marrë flakë rrapi në qendër të fshatit, duke rrezikuar banesat rreth e rrotul. Megjithatë, me ndërhyrjen e banorëve flakët janë neutralizuar.
