Një ngjarje e rëndë është shënuar pasditen e së dielës në Vlorë. Në një lokal në zonën e Plazhit të Vjetër ka pasur një përplasje me armë. Burime në vendin e ngjarjes thanë se kanë qenë 2 persona që kanë hapur zjarr në drejtim të 4 të tjerëve. 3 persona kanë mbetur të plagosur, njëri në gjendje të rëndë i cili është pronari i lokalit Arben Brahimaj.
Dy të plagosurit e tjerë janë jashtë rrezikut për jetën, njëri prej të cilëve është djali i pronarit të lokalit djali i tij Brikelo Brahimaj dhe nipi i tij Olsi Beqiri. Policia thotë se ka bërë të mundur identifikimin e autorëve duke dhënë edhe inicialet e tyre, E.XH dhe Sh.L..
Ata janë larguar në drejtim të Pyllit të Sodës dhe se policia është vënë në ndjekje të tyre. Në operacion po merr pjesë policia e Vlorës, në ndihmë të të cilës ka shkuar edhe Delta Force dhe FNSH e Fierit. Nuk dihen ende motivet e ngjarjes. ©LAPSI.al
[video width="640" height="640" mp4="https://cdnimpuls.com/lapsi.al/wp-content/uploads/2019/08/WhatsApp-Video-2019-08-04-at-20.13.03.mp4"][/video]
