Video/ Prezantim drithërues për De Rossi: "Këtu janë të çmendur, thashë menjëherë po”

Në Buenos Aires është dita e Daniele De Rossi. Për mesfushorin ish-Roma ka ardhur momenti i prezantimit në konferencën për shtyp dhe me tifozët e tij të rinj, pasi ka ndjekur një ditë më parë si spektator 0-0 e Boca Juniors kundër Huracan. Në Salón Filiberto, pikërisht brenda shtëpisë së Xeneizes, numri 16 i argjentinasve flet për herë të parë për të rrëfyer zgjedhjen dhe ndjesitë e tij: “Burdisso më ka treguar shumë për Boca. Kush nuk është brenda stadiumit nuk mund ta kuptojë cfarë do të thotë të jesh pjesë. Është një spektakël, por gjeta, përvec pjesës afektive, një klub serioz”. https://www.youtube.com/watch?v=aqL7GSP5QjM "Kur u zyrtarizua lamtumira nga Roma, nisëm të dëgjoheshim me presidentin. I thashë menjëherë po, sepse fitoi dëshira ime për të luajtur futboll - rrëfeu De Rossi - Mendoj se gjithcka kam parë këtu është një konfirmim se është vendi i duhur për të punuar. Unë e jetoj futbollin 24 orë në ditë e nuk doja një vend që të më shuante" E natyrisht Argjentina nuk do ta shuajë De Rossi, tifozët pas pritjes madhështore mezi presin ta shohin në fushë: "Jam stërvitur gjithnjë, por vetëm dhe nuk është e njëjta gjë. Kam nevojë për disa ditë, ndoshta 10, për të qenë në formë. I takon trajnerit të vendosë. Sigurisht më pëlqen të debutoj në Copa Libertadores". "Zgjedhja natyrale pas 20 vjet në Roma? E ndiqja Boca që i vogël, kur shihja të luante Maradona, aty më lindi dashuria për këtë skuadër. Kam jetuar 20 vjet në një ambjent të cmendurish, ku jetohet me futbollin cdo ditë. Mund të shkoja në një vend të qetë, por zgjodha një vend ku njerëzit janë edhe më të cmendur për futbollin. Dua ti jap Boca atë që mund tia jepja Romës".

Questo è il video del #BocaJrs prima della presentazione di DDR
✈️ pic.twitter.com/DQtl21Bdkb

— Calcio Argentino ™ (@CalcioArg) July 29, 2019