"Nuk ishte e lehtë të largohesha nga Real Madrid pas shumë viteve e të vija në një kampionat të ri, me shokë të rinj, në moshën 33 vjecare. Për këtë motiv, mendoj se kam përjetuar sezonin tim më të mirë". Cristiano Ronaldo kthehet në Madrid për të marrë cmimin e Marca Leyenda, vlerësim special i të përditshmes spanjolle, e shpjegon për të gjithë përse viti i parë në Itali e ka ekzaltuar kaq shumë: "Me Juventus fitova kampionatin e Superkupën italiane, me Portugalinë fitova Nations League, tre trofe në një vit të vetëm".
"Është një trofe super i rëndësishëm që do të futet në palmaresin tim me krenari të madhe - ka theksuar portugezi gjatë dorëzimit të cmimit në Teatrin Reina Victoria, për të nderuar të vetmin lojtar të aftë të fitojë Premier League, Liga e Serie A - Ky qytet më ka dhënë shumë në nivel personal, kam luajtur këtu për 9 vjet e kam ruajtur një raport special, shpresoj të kthehem shpejt".
"Nëse do të fitojmë Champions League këtë vit? Nuk e di. Do e provojmë, si gjithnjë. Është e vështirë sepse të gjitha skuadrat e duan. Shpresoj ta fitojë Juventus. Gjëja më e rëndësishme - shtoi Ronaldo - është se karriera ime vazhdoi shumë mirë pas Real. Èshtë një nga sezonet më të mirë që kam bërë, individualisht e kolektivisht - ka theksuar CR7.
