Moise Kean është karta për ti rrëmbyer aprovimin Ajax. Juventus punon pa ndërprerje për të mbyllur tratativën për Mathijs de Ligt e sipas Corriere dello Sport është e gatshme edhe të sakrifikojë sulmuesin e ri që pëlqehet shumë nga hollandezët. Një detaj mund të konsiderohet i rëndësishëm, sulmuesi nuk do të përfshihet në tratativën për mbrojtësin: do të jenë dy operacione të ndara nga ana fiunanciare, por të lidhura nga ana strategjike. Me shitjen e Kean (duke ruajtur riblerjen) Kampionët e Italisë do të kërkojnë ta bëjnë më pak të përpjetë rrugën që të con tek De Ligt.
Riaktivizimi i Barcelonës nuk shqetëson shumë mendimet e drejtuesve juventinë, që kanë akordin me lojtarin dhe atë me agjentin Mino Raiola (edhe i Kean). Prokuratori po punon për të zhbllokuar situatën: do të arrihet tek 75 milionët e pretenduar në Amsterdam me bonus që ndoshta mund ti lejojnë italianëve të paguajnë me këste. Kean mund të rinovojë deri në 2024, për një pagesë prej 2 milionë, por kjo nuk i mbyll dyert transferimit në Hollandë, do të mbronte vetëm bardhezinjtë, me kontratën e sulmuesit që përfundon në 2020.
Një tjetër lojtar që mund të largohet nga Torino është Cuadrado. Shanghai Shenua ka avancuar në kërkesën e saj për lojtarin dhe në ditët e fundit në Milano është zhvilluar një takim mes shoqërive, sipas asaj që bën të ditur Tuttosport. Shanghai ofron 15 milionë (10 në vit për kolumbianin): tratativa është e mundshme, duke qenë se Cuadrado nuk është konsideruar i domosdoshëm nga Maurizio Sarri.
