Duhet ende të presim, dhe ndoshta jo pak, për të parë Matthijs De Ligt me fanellën e Juventus. Pas thashethemeve të djeshme, gjithmonë nga Spanja shfaqet një prapaskenë në lidhje me 'frenimin' e çështjes. Sipas Marca, Ajax, pronar i kartonit të mbrojtësit të fortë të qendrës, është tejet i acaruar me klubin bardhezi," fajtor" për arritjen e një marrëveshjeje me lojtarin (12 milionë në sezon për 5 vjet) para se të fliste me shoqërinë holandeze.
Vetëm në një moment të dytë Juventusi është paraqitur te Ajax duke vënë 55 milionë euro në pjatë plus 10 bonus (për të thënë të vërtetën në Spanjë ka disa versione të propozimit të piemontezëve), dhe jo 75 (plus bonus) të kërkuara nga kuqebardhët. Barcelona dhe PSG do të jenë të gatshëm të paguajnë kaq shumë, por nuk kanë "ok" të De Ligt. Drejtuesit e Zonjës së Vjetër mbeten mjaft të qetë (megjithëse Sport e katalanasve raporton për një nervozizëm në rritje). Menaxhimi i Mino Raiola është vendimtar, por është e qartë se ata do të duhet të kënaqin dëshirat e palës tjetër ose përndryshe të ndërmarrin hapa rëndësishëm. Në Amsterdam po humbasin durimin dhe janë gati të përqafojnë përkohësisht brilantin e tyre në kuadër të mbledhjes të hënën e ardhshme.
Ai që i ka hedhur benzinë zjarrit është María Bartomeu, presidenti i Barcelona: "Thashë kohë më parë se e dija se ku do të shkonte De Ligt. Unë nuk mund ta them, sepse ata duhet ta bëjnë ata më parë ...". Kush? Ai nuk e specifikoi.
