Paul Pogba dëshiron Real Madrid dhe janë pikërisht gjigantët spanjollë pas deklarateve të francezit se dëshiron tashmë një aventurë të re, larg Old Trafford. Mjaftoi vullneti i shprehur se me Manchester United ka përfunduar gjithcka, që të nxehet edhe më shumë gara për të marrë shërbimet e tij nga klubet e interesuara. Dy janë klubet kandidati: Real Madrid e Juventus. Sipas AS, që citon burime shumë pranë lojtarit, Pogba e ka marrë vendimin e tij për të luajtur nën urdhërat e Zidane, trajnerit që më shumë se të gjithë po e kërkon e që e ka bindur të bëjë hapin e djeshëm.
"Do të jetë vështirë ta marrësh që atje, do të jetë nga ato tratativa që durojnë gjithë verës", ka thënë ky burim për AS. Kohët shtrëngojnë në fakt, sepse merkato angleze mbyllet në 8 gusht e Red Devils para se të heqin dorë nga xhevahiri i tyre, duhet të gjejnë një zëvendësues në lartësinë e duhur. Pastaj ka dhe një pikë tjetër për tu marrë në konsideratë: Real nuk dëshiron të paguajë 160 milionë euro të kërkuar nga Manchester e nuk ka raporte të mira me agjentin e Pogba, Mino Raiola, që është shumë i lidhur me Juventus. Bardhezinjtë shpresojnë pikërisht në raportet me Raiola për të parakaluar Real dhe për të rikthyer në Torino francezin.
