Policia e Tiranës ka ndaluar me urdhër të Prokurorisë, ndërtuesin Dritan Llanaj dhe dy pronarë tokash, Kadri Pazari dhe Arben Çaçi. Ndaj të treve rëndon akuza e falsfikimit të dokumentave për 25 mijë metra katrorë tokë brenda spitalit të traumës në Tiranë dhe për pastrim parash.
Ndërtuesi Dritan Llanaj nuk e ka për herë të parë përballjen me prokurorinë, pasi disa vite më parë disa qytetarë që kishin blerë apartamente prej tij, tentuan të hihedhin nga pallati për shkak të shkeljes së kontratës nga ndërtuesi.
