Ish-deputeti i Partisë Demokratike Ervin Salianji ka publikuar në emisionin “Open” të gazetares Eni Vasili në TCH një video të shkurtër që sipas tij tregon se si forcat operacionale kanë mbajtur nën vëzhgim kryetarin e Partisë Demokratike Lulzim Basha.
Sipas tij aty duket qartë se si policia dhe prokuroria kanë përgjuar në mënyrë të paligjshme selinë e opozitës. Sipas Salianjit kanë qenë në përgjim edhe gazetarë dhe televizione. Kjo video ka qenë pjesë e dosjes “Xhafaj” tha Salianji tha se prokurorët e kanë harruar aty .
“Ka një skandal më të madh. Për turp të tyre ose ju ka rrëshqitur, prokurorisë i ka rrëshqitur që në mënyrë të paligjshme forcat operacionale kanë survejuar selinë e Partisë Demokratike dhe kryetarin e saj në mënyrë të paligjshme. Është e qartë që kjo është bërë me urdhër të Edi Ramës dhe ne nuk do ta lëmë me kaq” - tha Salianji. Në videon e publikuar nga Salinaji dëgjohen edhe zërat e dy personave që flasin me njëri - tjetrin. ©LAPSI.al
https://www.youtube.com/watch?time_continue=3&v=Vpp0cs1Z0P8
