Aksident me pasojë vdekjen e dy personave në aksin Maqellarë-Peshkopi, pranë fshatit Grezdan. Një automjet është përplasur me një motor, ku për pasojë ka mbetur i vdekur drejtuesi i motorit, një 34-vjeçar. Ndërkohë i plagosuri, që ishte duke udhëtuar me 34-vjeçarin në motor, është dërguar në spital, por nuk ka mundur ti shpëtojë plagëve. Sipas informacioneve më të fundit, viktimat janë bashkëshortë, identiteti i të cilëve nuk është bërë ende i ditur. Policia ndodhet në vendngjarje dhe po punon për zbardhjen e shkaqeve të aksidentit.
