Qytetarët e zonës së Astirit në Tiranë, prej 3 muajsh protestojnë kundër projektit të Unazës së Madhe. Këtë të dielë kanë paralajmëruar kryeministrin se do ta shohë dhe kuptojë të enjten se kush janë shqiptarët.
Paralajmërimi ka ardhur nga njëri prej protestuesve i cili i është referuar protestës së opozitës ditën e enjte në seancën parlamentare.
“Ne do të marrim masat tona dhe të enjtën Edi Rama do ta kuptojë se kush janë shqiptarët përpara Parlamentit të votave të vjedhura”.
“Helmoi në protestën e djeshme qytetarët me gaz helmues, policia dhunoi qytetarët të cilët shtrohen nëpër komisariate dhe zyra duke pirë birra dhe Whisky. Ne nuk kemi vetëm mbështetje politike por kemi mbështetje mbarëkombëtare, por nuk kemi mbështetjen e këtyre hajdutëve. Ju na sulmoni me bomba të blera në Serbi por hajde në Unazën e Re dhe shikojeni po ua mbajti”, – tha një tjetër banor.
